Kafe Antzokia

Negu gorria atzean utzi eta hibernaziotik iratzartzeko musikaz berotuko dugu martxoan Bilboko Kafe Antzokia. Hasteko, New Yorken 84an Dictators-eko Scott Kempner-ek sortutako The Del-Lords ezagunak eta The Hot Dogs gipuzkoarrek euren rocka ekarriko digute (mar. 4); Ruper Ordorikak bere Haizea Garizumakoa disko berria aurkeztuko digu (mar. 5); larunbatean La Pegatina taldea eta ondoren Global Funk Party izango ditugu, Dusty , Arka eta Makala musika jartzen (mar. 6). Igandean Muzzik musika eskolaren jaialdia izango da (mar. 7).

Hurrengo astean Lagun Artean Kantari (mar. 10), The Answer rockero irlandarrak (mar. 11). Ostiralean The Rumble Strips + Delco (mar 12); larunbatean Amparo Sanchez etorriko da, Tucson-Habana diskoa aurkezten (mar. 13); igandean Ane Mona, Oskola eta Karramarroi antzerki taldea izango dugu, euren DVD berriaren grabazioan (mar. 14).

Irlandarren La Féile Padraig (San Patrizio eguna) ospatuko dugu Bizardunak nafarrekin (mar. 17); biharamunean Mas-karas party jai erotikoa izango dugu (mar. 18); ostiralean Saratoga taldea etorriko zaigu (mar. 19) eta larunbatean Burning madrildarrak (mar. 20).

Urbeltzen Dantza Ganbaran euskal dantzan arituko gara (mar. 24); ostegunean El Jinete eléctrico taldeak Sesión continua lana aurkeztuko digu (mar. 25); ostiralean Bertsolari Gazteen XVIII. BBK Sariketa izango dugu arratsaldean eta ondoren Gabriel Aresti euskaltegiko jaia (mar. 26); larunbatean Obus heavy talde mitikoa etorriko zaigu Cállate lan berria aurkezten (mar. 27). Martxoa bukatzeko The Godfathers britainiarrak eta Maggot Brain espainiarrak izango ditugu (mar. 31).

Aurkezpen eta hitzaldiei dagokienez, berriz, Marc Biosca ikerlari katalanak Haiek zergaitk deitzen diote Euskal Herria eta guk Ithaka? liburua aurkeztuko du (mar. 5); Zenbat Gararen kultura hitzorduak izango ditugu goizez zein arratsaldez (mar. 10) eta, azkenik, Euskaltzaindiaren eta Pamiela argitaletxearen eskutik, Erlea aldizkariaren 2. zenbakiaren aurkezpena (mar. 17).

Ondarroako Kafe Antzokian, bestalde, La Pegatina + Dj Dz (mar. 5); Kaotiko + Set (mar. 6) eta Vendetta + Ze esatek! (mar. 13) izango ditugu.

Urtea ondo hasteko hasieratik bertatik gorputza mugitu eta gabon zaharreko ajeak astintzea onena izango da. Urtarrila 2an hasiko da Bilboko Kafe Antzokian, New York Ska Jazz ensembleren ska doinuen erritmoan. Errege rockeroak izango ditugu urtarrilaren 5ean, Los Gramones (Ramones-en tribute banda), Porco Bravo eta Rockin DJekin. Ondoren, Lendakaris muertos eta Memo taldeak etorriko zaizkigu (urt 8). Punketik soinu metaleroagoetara joko dugu ondoren Hamlet eta Infernoise taldeekin (urt 9).

Urbeltzen Dantza Ganbaran euskal doinuez dantza egiteko aukera izango dugu (urt 13). Errepideko rock amerikarra dastatuko dugu The Bottle Rocketsekin eta doinu gogorragoak ekarriko dizkigute Crank County Daredevils taldekoek (urt 15). Larunbatean Santi Ibarretxeren Primital taldeak berriro ekarriko digu bere show bitxia (urt 16).

Azkenaldion, ikusi duzuenez, aldaketa asko izan ditu kafeantzokia.com webguneak. Lehenengoa aurreko urteko urrian abian jarri genuen gure ekitaldietarako online sarrera salmenta sistema izanik. Bezeroei sarrerak erosteko erraztasuna ekarri die, orain etxetik eta askoz aurrerapen handiagoz eros baitaitezke sarrerak, ohiko sarrera sistema pribatuek ezartzen dituzten kudeaketa gastu altuak ordaindu behar izan gabe. Bezeroentzat zerbitzu ona eta eskuragarria suertatzen ari da gure salmenta sistema.

Hurrengo urratsa webgune berria izan zen, urtarrilean, Kafe Antzokia martxan! kanpainiarekin batera abiatuta. Gure e-posta buletina ere erabat berriztatu genuen apirilean, yahoogroups zerbitzua bertan behera utziz, gure sistema propioa sortuz eta zerrendak banatuz, ordura arte euskaraz eta gaztelaniaz informazioa bidaltzen zuen zerrenda bakarra baizegoen.

Azken berrikuntza urte bukaera honetan etorri den webguneko agenda sistema berria dugu: Gaurtik aurrera, urtarrileko eta aurrerantzeko ekitaldiak webgunean integratu ditugu, datozen ekitaldiak era erosoagoan ikuskatzeko. Zerrendan eta egutegian ikus ditzakegu datozen ekitaldiak eta, bat aukeratuz gero, haren inguruko jakingarri guztiak xehetasunez irakurri.

Zerbitzu gehiago, informazio gehiago
Denbora honetan webgune berriko edukia osatuz joan gara, Kafe Antzokiaren inguruko jakingarriak berriztu ditugu, oinarrizko informazioa, kokapena, zerbitzuak, datu teknikoak, ostalaritza zerbitzuak, bideoak... Gainera, webguneko eduki gehienak gaztelaniaz eta ingelesez ere irakur daitezke orain, edozein orrialdetan gaudela hizkuntza aukeratuz edukiak automatikoki aukeratutako hizkuntzan agertuko zaizkigu. Horien artean nabarmentzekoak dira ostalaritza zerbitzu berriak: menu bereziak, lunch zerbitzuak eta ekitaldien antolaketa zerbitzuak.

Internet 2.0 baliabideen erabilera handia egiten ari gara, Kafe Antzokia Facebooken, Twitter-en eta Flickr-en baitago. Zeuek Kafe Antzokian ateratako argazkiak ere gure webgunean erakusteko aukera dago Flickr-en bidez. Bestalde, gogoratu behar dugu Bilboko Kafe Antzokian bluetooth bidez datozen ekitaldien agenda jasotzeko aukera dagoela eta Wi-Fi irekia dugula, Bilbon zein Ondarroan, Internetera doan konektatzeko.

Urte berrian ere zeuen gustoko ekitaldi mordoa programatzen jarraitzea eta zerbitzu gehiago eskaintzea espero dugu. Bihotzez opa dizuegu, 2010 zorionez beterik eta gurekin igaro dezazuen.