 |
|
|
|
Aurresalmenta: 10,00 euro (Kafe Antzokia, Ticktackticket). Txarteldegian: 12,00 euro.
“Karateka Beat” deitzen da Kataluniako La Kinky Beat taldeak plazaratu duen disko berriak, bere ibilbideko hirugarrena dena. Diskoa taldeak berak grabatu du eta nahasketak 7 Notas 7 Colores taldeko ekoizlea den Dive Dibosok burutu ditu, euskarri analogikoa erabiliz. Kolaborazio ezberdinak ere izan dituzte, Eddy La Sombra, Brujo eta Payo Malo, hip hop eszenan izen garrantzitsuak. Datorren martxoan emango diote hasiera "Karate Tour" birari Mataró herriko Clap aretoan, zuzeneko berri eta ikusgarri batekin. 13 abesti berri eta zuzeneko landu bat etengabe dantza egitera bultzatzen duena. Euskal Herrian zaletu ugari ditu taldeak, honakoa aukera paregabea izango delarik beraiek erritmo beroekin dantzatzeko.
Bad Sound System 1998an sortzen da Irungo Mosku auzoko DPOR tabernako 3 lagun elkartu eta urte horretako San Martzial jaietan Irungo Gazte Asanbladarekin antolaturiko jai batean aritzeko. Lehendabiziko haren ostean 1999tik 2001a bitarteko garaian Martin eta Stepi jardun zuten BAD Sound Systemaren Selector lanetan. Martinek reggae, hip hop eta drum’n’bass erritmoak zituen ardatz eta Stepi Selektah-k dub, roots reggae eta ragga zituen nahasten Euskal Herriko taberna, gaztetxe, areto eta jaietan egindako ekitaldietan. Kontzertu handiagoetan ere izan ziren garai haietan, horrela besteak beste Ke Rule, Frank T, Amparanoia eta Fermin Muguruza Dub Manifestarekin izan ziren agertokian. Hip hop-a, rap-a, dance hall-a, ragga, free style-a... taldea ia konturatu gabe osatu zen eta "sound system" eskemari erantzuten dio, reggae-a, hip hop-a eta dub-aren inguruan ekintza sortzen duena, eduki sozial handia duten hitzak aurkeztuz.