Kiko Veneno & Martin Buscaglia: “El Pimiento Indomable”

El Pimiento Indomable Kiko Venenok eta Martín Buscaglia artista uruguaitarrak osatutako proiektua da, eta Kafe Antzokian izango dira euren izen bereko lehen lana aurkezten. Euskal Herrian aurkeztuko duten kontzertu bakarra izango da. Kiko Veneno azken hamarraldiotako herri-kantagintza sortzaileen eta originaleko mito hutsa da, eta gauza bera esan daiteke Martín Buscaglíari buruz Uruguain eta Latinoamerikan, hamarkadaren bat gutxiago eta ikuspegi teknologikoki abangoardistagoa duelarik, hori bai. “El Pimiento Indomable” (Satélite K, octubre 2014) 12 kanta fresko, zuzen dira; sonoritate propio, baikortasun kutsakor eta espiritu librea dutenak, gure espaloitik paseaon ibiltzen diren eta gure arima menderakaitzaren benetakoenera itzuli nahi gaituzten pertsonaia eta istorioz beterikoak.